富士山站＋山中湖＋（住宿）ラコストリ山中湖 lucustre Yamanakako 交通情報
我哋今次ge富士山之旅冇選擇住喺河口湖一帶，反而選擇入住喺山中湖平野ge民宿－ラコストリ山中湖，所以我哋先要由河口湖站乘搭富士急行線前往富士山站，再由富士山站轉搭富士急行巴士前往山中湖平野。
呢架就係由我哋要乘搭ge Fujikyu railway Local train，由河口湖站至富士山站只需要6分鐘，票價220yen！
好多人都講過想見到富士山真係要講d運氣，當黃昏時刻嚟到河口湖站，露面咗成日ge富士山竟然俾雲遮住咗，下圖車頭後面見到ge山就係富士山喇！
上面嗰架係Fujisan Express，車身一共有58個富士山彩繪，個個都唔同樣㗎！如果由新宿搭JR嚟富士山，喺大月站就係轉乘Fujisan Express嚟河口湖站。下面紅色嗰架係Fujisan View Express！除咗呢三款車，其實仲有兩種列車喺富士急行線行駛㗎！
周圍都見到富士芝櫻祭ge poster，真係好想去啊！但因為仲未開花，否則富士芝櫻祭未開始我都會去。不過話就咁話，呢度連櫻花都未開，芝櫻就梗係未開啦！
Fujikyu railway Local train區間列車內部，每一節中間有塊和風布簾，好友特登去摸下，點知話個質地係厚紙嚟 •••
日本ge美學真係不得了，簡單ge線條、簡單ge用色、簡單ge文字，就完美展現出想表達ge意思！Less is more! 邊個話做唔到啊？！
好快我哋就嚟到富士山站！富士山仲未肯出番嚟，so sad！
富士山站比起河口湖站新淨同靚好多，唔似河口湖站咁舊咁污糟，河口湖站個洗手間搞到我以為自己去咗內地。
喺富士山站內ge呢間手信店有好多獨家商品，大家一定要預留時間喺度好好行吓！
好似呢個富士山御守，入面放咗富士山ge熔岩㗎！好得意！
富士山站入口係一個好大ge鳥居！
步出富士山站，左手邊就係富士急行巴士總站同觀光案內所。
由於今朝喺新宿過嚟時，已經delay咗兩個鐘。一去到河口湖站我哋即刻check咗去山中湖平野ge巴士時間表，因為唔係每一架巴士都去平野。原本timetable寫住1802有一班巴士會去，但當日去到information center一問先知道呢班車取消咗，要2002先有車，仲要呢班係最後一班車，如果miss咗班車就會冇車再去平野。
由於有少少擔心，所以一去到富士山站ge information center，我再confirm多次2002肯定有車先放心。然後就喺附近行吓，影吓相！
黃昏ge富士急樂園，從遠處見到樂園ge員工都放工喇，但過山車路軌竟然著燈。
呢個時候，之前隱身喺雲後ge富士山終於再次露面喇！仲陪住我一齊等車！（其實隔離仲有個高中生男仔都喺度一直等車。）而好友就去咗手信店行吓，因為我同佢講間手信店超正，好多得意嘢賣，我見到有佢鍾意ge嘢，最後佢行完真係有收穫！
原本我哋預約ge民宿喺咁好天會影到好靚ge富士山，但因為想搭嗰班車cancel咗，所以去到民宿天都黑晒，冇得影了！唯有趁宜家有得影盡影啦！
不過可以喺天黑之前再見到富士大神出番嚟，心情都好番d！
2002，我哋等ge嗰架前往山中湖平野ge富士急巴士終於嚟啦！富士急巴士ge車費可以用Suica card俾錢㗎，所以記得去前入定錢！
最後建議大家可以喺去富士吉田、山中湖地區可以先去富士急巴士ge website望吓d時間，好好計劃一下！不過website ge時間唔一定準確，好似我咁，plan好想搭嗰班車cancel咗，但點都心中有個底好d，知道仲有車就得！
下面ge幾個website一定對大家plan行程有幫助，可以參考一下：
富士急巴士website － http://bus-tw.fujikyu.co.jp/highway/detail/id/1/
富士急行線 － http://tc.fujikyu-railway.jp/
富士資訊網 － http://tw.mtfuji-cn.com/directions/train
留言列表
