新宿御苑賞櫻記
0900，我哋嚟到新宿御苑，已經見到有旅行巴停喺出面，見到好多大媽們，好彩係台灣旅行團，唔係大陸團。御苑一共有三個入口，我哋係由新宿門進入。
御苑規定禁止攜帶酒類同使用玩樂器材，所以買飛前會有工作人員檢查手袋。我個袋有支喺香港帶嚟ge Perrier，差d都被收，於是我解釋只係sparkling water先肯放水。然後就可以喺櫻花樹下ge售票處買飛。
成人門券承惠200yen一張，抵！
新宿御苑原係江戶時代信州的高遠藩藩主內藤家宅邸所在ge一部分，在明治時代改設為農事試驗場（農業相關調查研究機構）。之後成為日本皇室ge所有地，於1906年修建為皇室庭園，並喺二戰結束後開放俾一般民眾參觀。
在佔地58萬3千平方公尺的腹地內，精巧設計咗日式庭園、法式幾何庭園同英式風景庭園。
御苑以春櫻及秋楓美景聞名。櫻花季時，約1500棵、75種櫻花，包括里櫻、染井吉野櫻、山櫻、大島櫻、枝垂櫻等輪流綻放，成為東京人心中人氣最高ge賞櫻勝地，亦被選為日本百大賞櫻名所之一。就連喺日本其他地方少見的櫻種都可以喺呢度搵到，所以你話，賞櫻點可以唔嚟新宿御苑wor！
新宿御苑結合日式、西洋庭園的設計，建築物不多，以綠地、廣場見稱。二次大戰前是皇族專屬的花見地，成為國民公園後，典雅的風情猶存，觀花的遊客還不至於放浪形骸（可能係唔可以飲酒），最常見係三五成群在櫻花傘下的野餐。
近幾年東京櫻花滿開時間大概都喺3月尾、4月初，通常喺清明呢段期間就會滿開。( 呢幾年3/29－4/6係最佳賞櫻時間，但仲是要視乎每年天氣狀況而定，天氣暖就會提早開，太冷就有機會遲開。)
櫻花從開花到滿開，最後櫻吹雪，大概1個星期左右。由於好難預計，連日本官方（即係日本氣象廳）都由2010年開始唔再預測櫻花花期。因為咁樣，每年大家為了賞櫻，想看到滿開的櫻花，時間上就更難掌握。如果你太早來，有可能只看得到未開花；如果太遲來，可能都連櫻吹雪都見唔到了。
我哋好幸運，可以遇見櫻花滿開呢個教人驚豔ge美麗景象。雖然落住微雨，但喺雨中賞櫻原來更有詩意。雖然影相效果冇咁靚，但最靚ge畫面留喺心中、腦海中就已經夠晒喇！
喺御苑日式庭院見到NTT DoCoMo代代木大樓，係喺東京都第四高的摩天大樓（第一係東京Midtown Tower，第二係虎ノ門 Hills ，第三係東京都廳舍）。
雖然有其他花都開得好靚好燦爛，但俾櫻花搶晒鏡！
呢度雙色櫻花拱門加埋中間有張長櫈，不知幾多人喺度影相。仲要俾我哋見到有一對應該係內地ge中年情人係度狂影沙龍相，個女人ge衣著打扮勁嚇人，真係辛苦晒嗰位日本攝影師！（我幾經辛苦先冇將佢哋攝入鏡！！！）
臨離開御苑，經過千駄ｹ谷門前面ge一大片櫻林，真係好夢幻！最後，我哋由千駄ｹ谷門離開新宿御苑，往下一站進發。
U Blog: http://blog.ulifestyle.com.hk/blogger/jovuslovelife/
留言列表
