珈琲貴族エジンバラ（新宿）－8日8夜東京上山下海花見之旅 Day 1－Jovus的美好頹廢時光

（新宿）珈琲貴族エジンバラ

我哋到達新宿先係0640，我呢個雨神去邊度都落雨，一步出新宿南口就落雨，仲越落越大。由於落雨關係，天氣非常清涼，只有11度。呢個時候饑寒交迫下，勁想食d飽肚野。於是我哋兩個好麻甩咁衝咗入車站對面間吉野家（因為喺日本大多數喺男人先會去食），果然入面全部都係男客人，好彩有個女店員咋！！！

由於本人太飯桶，所以食物一送到嚟，我就勁食，食完先記得要影相（滴汗ing～）

日本吉野家又抵又好味唔使我多講，食咗1個牛丼＋1個豆腐木魚丼set，都係670yen，正！我喺日本其他地方都有食過吉野家，每個地方喺味道上都有DD 唔同。香港比較似東京個味。不過唔知點解，我問店員要牛肉汁，竟然喺冇得要肉汁㗎，仲叫我可以自己加醬油。So sad!

食完野，時間尚早，新宿各大shopping mall起碼要1000後先開，所以第一個行程我係plan去0900開ge新宿御苑，早d去冇咁多人嘛！但係0715-0900呢段時間應該點樣打發？成程機俾隔離個乘客吵住，再加埋我喺自己張床以外好難瞓著，所以非常需要咖啡因拯救我。

雖然一眾連鎖咖啡店都未開門，但我知道喺新宿有間好出名經營咗40年ge 喫茶店係24小時營業，就係珈琲貴族エジンバラ（珈琲貴族Edinburgh）。除咗有免費Wi-Fi外，最重要係順路去新宿御苑。

於是我地喺新宿東南口（即係南口對面）嗰新京王高速巴士總站地下街一路直行到最尾個出口（慢慢行大概10mins），一出地面就見到珈琲貴族エジンバラ棟buildng！

你可以搭lift，又或者行樓梯上去，店內有分吸煙區同非吸煙區，一入去店員就會詢問你先安排座位。雖然我坐喺非吸煙區，但係都會隱約聞到煙味。

店內裝修行歐式style，座位舒服，好適合喺度hea！我仲見到有人食完野就趴喺檯度瞓覺！

Menu上有超多選擇，淨係飲品都有超過40種，咖啡想要blend、straight定係炭燒，hand drip、 Syphon drip、Cold brew 都有齊！咖啡一般係900yen，加480yen就有埋一件cake，所以我地兩個人都叫咗coffee＋cake set。朋友叫咗杯straight coffee，我就叫咗其中一款好出名ge咖啡－cafe au lait

店員會親自嚟到你面前，用好似拉茶ge方式調配出呢杯cafe au lait，好有視覺效果！

當日有4款cake可以揀，好友揀咗最愛ge栗子tart，我就揀咗cheese cake！配我地各自ge飲品，perfect！

栗子tart d cream同栗子蓉好幼滑（雖然偏甜），配black coffee就啱晒！喺香港就只有The Peninsula Boutique同Passion by gerard dubois ge栗子tart先有咁好味了。而我杯奶味濃郁cafe au lait同cheese cake亦都非常夾，cheese cake好好味，不會偏酸或偏甜，鬆軟度啱啱好！不過cafe au lait真係幾奶，飲慣齋啡ge我，下次會飲返black coffee！