Jovus的美好頹廢時光

當身邊的朋友同事聽到我去東京旅行，大家反應都係“你又去啊” ？！老老竇竇，雖然去咗日本旅行N次，但其實本人一次東京都未飛過lor。我個人係比較反骨，所以做野總係唔跟既定程序。一直覺得東京又舊又冇特色，仲有鬼死咁多遊客，搞到完全提唔起興趣去。不過既未賞過櫻又未去過東京，再加埋原本打算獨遊，之前有報導話東京安全又適合女仔獨遊，所以今次旅行目的地選擇咗東京。世事往往就係咁，預期總係追唔上改變，因為fd底對呢嗰trip都有興趣，於是獨遊變成雙人遊。

今次亦係第一次坐HK Express，平時都係坐開Cathay Pacific。老實講，HK Express並唔差，除咗嗰check in位隔涉D （無論喺香港機場定係成田機場，HK Express喺成田機場嗰check in位係F，係離開咗主building，有度門隔開咗，仲有欄攔住。好似我買咗勁多野，仲要寄行李，好難行過去）。第二係坐我地隔離的乘客都好古怪 （兩程都係...）。第三就係明明日本由今年4月開始就可以填寫新出入境表格，但唔明點解仲要俾舊表我地填？！

凌晨4點，俾預定時間早咗30mins landing羽田機場，日本入境出名慢，搞掂都成5點幾了。跟住買咗張由羽田機場出東京市區的「單軌電車&山手線內推薦車票」（週六、週日、例假日及特定日限定發售）

原本要630-750yen，割引到500yen！如果下次飛羽田，可以買呢張pass用。（從羽田機場國際線大樓站‧羽田機場第1大樓站‧羽田機場第2大樓站經由單軌電車濱松町站到JR東日本線的山手線內各站（限單程１次有效）

售票期間及利用日 （※僅於搭乘當日有效）

• 2017年3月31日(五)為止的週六、週日、例假日等
• 2016年4月29日(五)～2016年5月6日(五)
• 2016年7月19日(二)～2016年8月31日(三)
• 2016年12月29日(四)～2017年1月3日(二)
• 2017年3月21日(二)～2017年3月31日(五)的每天

我地搭第一班車由羽田出發，去到濱松町站轉到JR東日本線的山手線去新宿。

我的東京之旅正式開始！