江之島•鎌倉一日遊交通套票點揀好？－8日8夜東京上山下海花見之旅 Day 4－Jovus的美好頹廢時光

江之島•鎌倉一日遊交通套票點揀好？等我即刻話你知！

離東京只有一個鐘左右車程ge古都鎌倉，加埋充滿度假風情的江之島，已成為許多人嚟東京必訪ge近郊觀光勝地。不過從東京到鎌倉‧江之島，可以搭 JR 和小田急電鐵，究竟邊一種較方便較抵呢？

「鎌倉／江之島通票」

JR「鎌倉／江之島通票」只需要700yen，可以一天內不限次數乘搭江之電全線、湘南單軌電車全線，以及鎌倉站、北鎌倉站、大船站和藤澤站之間的 JR 普通列車，但唔包括搭 JR 從新宿來回車費，最少也要 1800yen，若再加上「鎌倉／江之島通票」，搭 JR 去鎌倉•江之島遊玩至少要用2500yen。

「江之島─鎌倉周遊券」

小田急電鐵推出「江之島-鎌倉周遊券」，售價 1470yen。可以一天內搭乘新宿到藤澤間嘅小田急普通列車來回各一趟，同不限次數搭乘江之電全線，以及藤澤到片瀨江之島間嘅小田急普通列車。比 JR 平咗近 1000 日圓，今次我係即日來回，所以選擇買「江之島-鎌倉周遊券」嚟江之島同湘南海岸玩。

「江之島1 day周遊券」

如果大家1日內只係想去江之島玩，小田急電鐵有推出「江之島1 day周遊券」，售價1970yen 。可以一天內搭乘新宿到藤澤間嘅小田急普通列車來回各一趟，自由搭乘藤澤站至片瀨江之島站嘅普通列車。呢張pass包埋喺江之島上4樣觀光設施入場券，有江之島電扶梯、江之島瞭望燈塔（Sea Candle）、山繆克金花園同埋江之島岩屋。提提大家，呢張pass唔包乘搭江之電全線！

由於時間關係，所以之前一日從富士山番嚟新宿時，已經喺位於新宿西口ge小田急售票處買好「江之島•鎌倉周遊券」同之後去箱根ge「箱根周遊券」！如果大家唔識日文就去左手邊ge小田急旅遊服務中心買飛都ok！

小田急電鐵的路線比起 JR 簡單許多，從東京到鎌倉‧江之島唯一的路線就是「江之島線」。路線起點係新宿站，途經相模大野、藤澤，尾站就係片瀨江之島。不過大多數新宿出發的江之島線列車（普通列車）只會行駛至藤澤站，乘客可於藤澤站轉乘開往片瀨江之島站的小田急列車至片瀨江之島，或轉乘「江之電」（江之島電鐵）至江之島、鎌倉遊玩。

嗰日我哋乘坐小田急"浪漫"特快由新宿站出發前往片瀨江之島。提提大家，「江之島-鎌倉周遊券」只係包普通列車車費，如果坐搭"浪漫"特快就要加620yen！大家如果冇買定飛，可以先上車後補ge！

2、3號月台係坐"浪漫"特快，而4、5號係坐普通列車ge！記得唔好去錯月台！

坐浪漫特快ge好處就係一定有位坐，而且座位闊落，坐得好舒服，又有檯擺嘢，想好好睇風景都得，最重要快，去到江之島大概65mins。

喺新宿車站買咗御飯團做早餐，好好味！兩個好似太少啦，都唔夠我食...

成乘車都好開心，啱啱仲遇到有一班幼稚園學生同家長一齊出嚟郊遊，小朋友好乖好可愛！過咗一陣，我竟然發現我張「江之島－鎌倉周遊券」唔見咗！！！於是一到藤澤站，我就去車站詢問一下，答案都係要買過一張pass。係意料之中ge事嚟，我都即刻買過一張，反正又唔係未試過（之前嚟日本，都試過幾次唔見pass！）

喺藤澤站見到有一幅好童話故事書feel ge湘南海岸地圖，好靚好鍾意，心情即刻好番！

喺藤澤轉車去坐江之島電鐵（江之電）其實好簡單！先喺藤澤南口出站，然後向JR藤澤方向行上一層，然後向左直行，就會見到小田急百貨江之電ge標示！

跟住轉右，行過通往小田急百貨ge有蓋天橋，直入小田急百貨，就會見到江之電藤澤站，距離大概2-3mins！

原本滿心期待喺搭黃綠色嘅江之電，點知竟然係一架10形復古版江之電。

嚟江之島•鎌倉一定要搭服務年資超過一個世紀嘅江之電！由藤澤出發至鎌倉全長10km，34mins就可以坐足全程。乘搭江之電可以欣賞到整個湘南海岸嘅風景，但其實江之電本身就係一道風景，值得大家好好去欣賞。

江之電藤澤站係首站／尾站，所以大家記得喺左邊上車，右邊係俾落車嘅乘客用！

我哋首先會搭5個站去江之島！

話咁快就嚟到江之電江之島站～

落咗車，要等過電車駛走先可以過對面馬路出站。

出咗站，見到陽光普照真係好開心！特別係對我呢個雨神嚟講...

終於有一日俾我見到藍天 • 櫻花，感動ing

出咗江之電江之島站，向左手邊大街一直行10mins就會見到江之島大橋同江之島出現喺眼前！

如果大家由新宿搭小田急到片瀨江之島站，一出站就會好似去咗海底龍宮！腦入面即刻記起晴天PIG PIG海底龍宮篇嘅故事～其實細個時好鍾意聽故事，聽過日本民間故事裡，其中一個好著名嘅就喺「浦島太郎」，講嘅就係關於海底龍宮嘅故事。

浦島太郎在海邊救了一隻被小孩子欺負的海龜，海龜為了報恩，就帶浦島太郎去參觀龍宮，接受了龍宮乙姬公主的熱情款待。在龍宮待了幾天的浦島太郎想起家裡的媽媽，便跟乙姬表明該回家的意思。乙姬雖然不捨，還是讓浦島太郎上岸回家，臨走前還送了他一個寶盒，並囑咐他千萬不能打開那個盒子。上岸後的浦島太郎，發現陸地上的人事已非，一問之下，才知道原來他在龍宮待了幾天，卻是陸地上的好幾百年。一時手足無措的浦島太郎，忘了他與乙姬的約定，便打開了那個玉手盒，結果一下子，原本面貌年輕的浦島太郎卻變成了近百的老翁。