超高CP值即切即燒日本牛排 いきなりステーキ IKINARI STEAK
宜家想用平民價錢飲紅酒鋸日本和牛唔係冇可能！我哋已經plan好咗睇完目黑川夜櫻，係目黑站附近食晚餐－鋸扒！
我知道就喺目黑站附近有IKINARI STEAK ge 分店－目黒上大崎店，但可能血糖太低，完全唔知應該點行！於是我行入咗便利店問路，收銀姨姨一聽到IKINARI STEAK就即刻識教到我點去，好明顯IKINARI STEAK好出名。
其實一出目黑站，當見到atre喺你右邊，左邊有個巴士站迴旋處，向住左邊直行。只要沿住呢條大路－目黑通り行5分鐘到高架天橋嗰個路口，IKINARI STEAK就喺左手邊轉彎位！
就係呢間日本好多分店ge高CP值即切即燒的牛扒－いきなりステーキ IKINARI STEAK
呢間steak house出名係企喺度食，不過我去呢間係有位坐ge！IKINARI有唔同ge扒款俾個人揀，每g由6.5yen－10yen不等，最少要叫200g！
IKINARI另一吸引人ge係有house wine 俾客人叫，價錢唔貴，一杯500yen！而且仲係嗰種就算得一個人去食嘢都唔會令人覺得尷尬ge食肆。你知日本好少一個人喺出面食飯㗎嘛！
落完order，好快師傅切完肉，就會將客人order嗰塊扒攞俾客人睇下，客人睇完先會拎去烤！跟住侍應生會送上salad同湯。每張檯上都有一排調味料同醬汁，大家可以根據自己口味揀選。我好鍾意個牛肉清湯，雖然湯面冇撇油，但真係好好味，有牛香味又有蔬菜甜味。
呢個時候，好友ge牛扒送嚟喇！佢叫咗 200g US Angus Sirloin （8yen/g）！
而我呢個牛魔王嚟到日本梗係叫咗300g「本格熟成」20日ge日本國產牛，由於冇ribeye揀，所以都係叫咗Sirloin（10yen／g）。
一切開塊扒發現over cooked，好友嗰塊都係咁！佢叫咗medium，變咗medium well；好彩我叫medium rare，變咗medium！日本牛肉質軟滑帶甜味，加上熟成咗，即使over cooked，我覺得可以接受！雖然唔係黑毛和牛，但有和牛ge甜味，又冇食燒和牛嗰種油膩感，正！好味道！如果好似我家好友鍾意牛味濃郁ge，美國牛就啱晒喇！
其實每一間いきなりステーキ IKINARI STEAK分店所提供ge牛肉都有唔同，價錢亦有唔同，好似係赤坂大街店同新橋店就有正宗黑毛和牛，都只係15yen/g，好抵食㗎！
いきなりステーキ IKINARI STEAK
http://ikinaristeak.com/home/
留言列表
