目黑川夜櫻
目黑川係一條源自東京都世田谷區、流經目黑區最後喺品川流入東京灣ge二級河川。其中喺目黑區、長約3.8公里ge呢段流域,由於河道兩邊種滿櫻花樹,每年春天吸引大批賞櫻人潮。目黑川兩旁ge櫻花樹總數大約有800棵,大家嚟東京賞櫻,千歧唔好錯過目黑川。
要前往目黑川賞櫻,最方便係搭「東京metro」到「中目黑站」落車,一出站口就有工作人員舉起指示牌話你知目黑川方向,跟住行1分鐘就會見到目黑川。
其實除咗出東京metro「中目黑站」,大家亦可以喺東京metro/東急目黑線/JR 山手線「目黑站」落車,不過出站後要行大概5分鐘。
東京metro中目黑站開始ge目黑川河道比較窄小,所以河道兩邊ge櫻花距離會比較近,甚至交織喺一齊。
我哋沿住目黑川,一直向JR目黑站方向行過去。
目黑川旁邊ge小燈籠為夜櫻增添唔少色彩,燈籠上面會寫住捐獻機構ge名字,全部都係附近ge商鋪、機構等等。
綿延不斷ge櫻花路上,所有人都被吸引住,停低腳步,舉機影相!
目黑川夜櫻再加埋粉紅色ge日式燈籠,有一種妖冶ge美感!
越係向JR目黑站方向行,河道會越嚟越闊,但賞花人潮依然係咁多!
無論係邊一段ge目黑川都係咁靚,都係被櫻花包圍!
目黑川夜櫻真係靚到我唔捨得走,係咁影相,仲要最重要係點影都靚!
影到連肚餓都唔記得咗,最後搞到好友頂唔順,我先依依不捨咁離開!
提提大家,因為目黑區係有好多路要上落斜,坡度絕對唔係講笑,會行到死死下,所以千歧咪行錯路!
建議大家最好係行番目黑新橋呢條路出番去東京metro/東急目黑線/JR 山手線「目黑站」。
文章標籤
全站熱搜
留言列表