天上山公園カチカチ山ロープウェイ－8日8夜東京上山下海花見之旅 Day 2 @ Jovus的美好頹廢時光

富士山＋河口湖＋天上山公園カチカチ山ロープウェイ

去完河口湖音樂盒之森博物館之後，接著落嚟ge行程就係去天上山公園喇！我哋喺音樂盒之森博物館對面馬路搭番Red line觀光巴士嚟到天上山山腳。然後再行一小段樓梯上去纜車站！

天上山又稱為Kachikachi山。原本我都唔知點解，跟住嚟到纜車站，當我見到兔仔同狸貓就知道原因了！記得細細個有聽過呢個日本童話故事，不過好友話冇聽過wor。

故事講狸貓殺咗疼愛兔仔ge老婆婆，於是兔仔想教訓狸貓，於是約狸貓一齊上山砍柴。喺回去的路上，使用打火石「Kachikachi」，點燃狸貓揹著ge柴。狸貓聽到Kachikachi聲後覺得奇怪，於是問兔仔剛才「Kachikachi」係咩聲？兔仔答佢「因為這座山叫Kachikachi山，所以Kachikachi鳥就會發出這種叫聲」，於是狸貓信咗兔仔，背部被火燒傷。

呢個故事會喺搭纜車時播ge，到時大家可以聽聽！

天上山公園Map

雖然知道天上山公園好受歡迎，但嗰日Mt. Kachikachi Ropeway真係好多人排隊，再加埋嗰日只係開咗一架纜車，所以都等咗15mins先上到纜車。

Mt. Kachikachi Ropeway 係全年無休ge，但如果天氣太差就會停駛。

纜車來回票價800yen，車飛上面印有兔仔同狸貓㗎！大家亦可以買單程，要450yen （落山要45mins，唔知係咪真係45mins就得，我冇試啊！）

當日我哋搭ge係狸貓纜車，兔仔纜車冇開。纜車大概用咗3分鐘就去到天上山山頂ge富士見站，一路搭纜車上去都見唔到富士大神！

眼前見到成個河口湖靚景，咁富士山究竟喺邊啊？只要沿著碎石小徑行半分鐘，就可以見到成個富士山出現喺眼前！

見到眼前呢個日本人心中ge神山，真係俾到我一種好震撼ge感覺，唔係用靚字就可以形容！富士山係全日本最高ge山，亦正式入選列入世界文化遺產！我同好友都覺得富士大神充滿仙氣，除咗咁都唔知點形容！所以真係唔好再用仙氣嚟形容人喇！唔明？唔該你親自嚟見一見富士大神就會即刻明晒㗎啦！

另外還附設以傳說故事中出現ge祈願登山客和觀光客的安全和腿腳健壯的在“Kachikachi山兔仔”作為神體ge神社－兔子神社。神社右手邊也是山梨百名山之一－開運之山三ツ峠山ge登山口。

如果情侶嚟到天上山，可以嚟到天上之鐘祈求戀愛順利。

敲鐘方式：

男朋友看著女朋友的眼睛敲鐘　第1次
女朋友看著男朋友的眼睛敲鐘　第2次
兩人一起敲鐘許下愛的誓言　第3次

天上山祭祀著作為喜結良緣而有名的磐長姫與美麗ge富士山之神木花開耶姫兩位姐妹神。

姐妹二神係以崇高的心幫助萬物的誕生帶來永遠的愛，和平和繁榮的守護神。

大家將土器（用黏土製造素燒而成的酒杯器皿）向住鳥居之中的“注連繩”為標投擲。將這個器皿丟擲出去，天上山的神明就會實現願望。土器可以喺茶屋門外可以買到，2個100yen，請自行投幣購買。

公園展望台有たぬき茶屋（狸子茶屋），茶屋是以傳說故事中為咗俾到訪天上山遊人休息ge地方“峠之茶屋” 作為靈感。除咗有各種與富士山同Kachikachi山相關ge特產，茶屋仲有直接用炭火燒製ge丸子串“狸子團子”，勁似忍者亂太郎入面嗰d！

狸子團子外面ge醬汁，鹹鹹哋又甜甜哋，粉團好煙韌，有甜甜哋ge米香味，值得一試！我仲買咗桃汁飲添！

山梨縣出產ge桃出晒名超好味，仲係全日本產量 No.1 ! 河口湖就係位於山梨縣，原本以為唔係7、8月桃當造ge季節唔會有得賣，但我多口問咗句，點知真係有得賣，正啊！超開心！桃汁真係超好味，真係桃汁嚟，有果肉同纖維，冇加水，好似大啖食緊桃咁。我唔記得幾錢，但肯定平過喺日本境外買1個山梨桃！

富士山完美ge形狀激發日本人源源不絕ge創作靈感，所以以富士山為主題ge零食一出現就好容易成為大家ge焦點！當日嚟到天上山見到個個都係食雪糕，我明㗎！因為有大大塊牌、圖文並茂，所以咪係人都食雪糕lor！

雪糕呢，我就啱啱先食完，唔想又食！再加上嚟到天上山梗係要試D其他地方冇ge嘢，呢支富士山形狀、波子汽水味ge雪條（260yen），再加上360度無敵富士山靚境，打卡一流，呃like冇難度！之後我都冇見到有喇，聽聞只有好少店鋪有得賣。

一攞出嚟影相，好多人都望住支雪條！連我搭纜車落山，排我後面嗰兩個日本男仔都望實支雪條。當我影完相，梗係迫不及待試下味啦！我舔咗兩下，覺得奇怪，點解雪條冇味ge，唔通係用富士山d水整ge，所以冇味？但明明話係波子汽水味㗎wor？！好友問我好唔好味，我答佢得水味咋，你快d試吓！佢舔咗吓，好認真咁望住我講，其實人哋出面係有個殼㗎，咁大陣膠味，你食唔出咩？於是我拔走個殼，雪條上面喺煉奶味，下面係波子汽水味！