淺間神社＋八海庭院－8日8夜東京上山下海花見之旅 Day 3 @ Jovus的美好頹廢時光

忍野淺間神社（忍草）＋八海庭院「彦兵衛屋敷」

忍野八海淺間神社（忍草）係人們對富士山信仰ge聖地！神社並唔大，但俾人一種神聖威嚴ge感覺。當日去到時並冇其他遊客，我哋兩個真喺有種誤入神域ge錯覺，好似會有狐狸或者百變狸貓突然出現。神社內播放ge誦經聲唔細，可以話喺我去過咁多日本ge神社最大聲ge，但最神奇係只要一離開嗰個範圍，就聽唔到誦經聲！

富士山世界文化遺產構成資產（平成25年6月登記注冊），從以前就崇拜「神之泉」。由富士山伏流水8個湧水池組成，係祭祀八個龍王的富士山信仰ge巡禮朝拜地。登拜富士山ge道者、富士講信者會用忍野八海湧水嚟洗去身上ge污穢。

因為16世紀後半葉長谷川角行傳承了巡拜富士山麓湖沼ge修行，1843年以後，開始咗圍繞忍野八海8個小湧水池進行“富士山根源八湖”的巡禮修行。同時，富士講信者開拓出從出口池到菖蒲池ge巡禮道路，各池也逐一被疏通，八大龍王ge祭祀由此開始進行。喺嗰時開始以後，來忍野八海的修行者直到19世紀後半葉都絡繹不絕，成為了巡禮朝聖地。修行者們利用湧水嚟沐浴淨身，第二日就登拜富士山。

古時巡禮道路由出口池ge稻荷神社到忍草淺間神社，途經忍野八海。從呢條巡禮道路就可以清楚了解到日本人ge宗教信仰－就是對古老而神祕ge自然崇拜！

稻荷神社稻荷神是日本神話中穀物、食物之神的總稱，而狐狸被視為稻荷神ge使者。三狐狸神原本係日本秦氏氏神（山折哲雄《稻荷信仰事典》），相傳秦氏為秦始皇族後裔或前秦王室族裔，為日本渡來姓之一。日本中世紀以後，工商業逐漸發達，而主管豐產ge稻荷神，亦開始象徵財富，被工商業界敬奉。稻荷神社目前已經係全日本數量最多ge神社。

（位於出口湖ge出口稻荷神社）

而淺見神社主要係供奉淺間大神，如富士山女神木花開耶姬命、彥火瓊瓊杵神、大山祗神。淺見神社為了鎮住富士山不再噴發而修建，並以其作為消除火災、順產、興業及航海…等之守護神。從遠古開始作為富士山的遙拜地集信仰於一身，全日本有超過1300間淺見神社。

去完淺間神社誠心參拜，就喺離開忍野村時，見到呢間賣甲斐絹ge店鋪，旁邊仲有一個小小ge資料館介紹甲斐絹。日本古時「甲斐の国」／「甲州」即係今日ge山梨縣！雖然話絹，其實即係絲。所以甲斐絹就係山梨ge絲織品，亦係甲州織ge始源。

甲斐絹ge起源可以追溯到2200年多前裡，公元前219年裡，秦始皇派徐福一行到嚟富士山下（蓬萊）尋找長生不老ge藥用植物，喺呢片土地上更保存“徐福傳說”古文書傳達編織的藝術，保持咗古代中國的養蠶技術，富士北鹿地區至今仍然保留住古老ge紡織技術與歷史。

純日本國產ge絲織品，顏色靚，質地輕柔軟滑，而且價錢一D都唔貴。去新宿行下，大把Made in China ge衫都貴過呢度d傳統純日產絲織品，再加上我想支持山梨養蠶農民，於是買咗條絲巾送俾媽咪大人！

跟住我哋番去觀光案內所拎行李，然後出番忍野入口站。喺車站隔離有個八海庭院「彦兵衛屋敷」。

八海庭院入園費200yen，大家自己放入料金箱後就可以入園！

充滿禪味ge日式庭院

呢度ge植物上面都生滿地衣，而且仲係不停咁生長，好有生命力！由於地衣對二氧化硫相當敏感，所以生態學上，地衣經常被當成一種空氣品質ge指標。大家見到咁多，就可以知道呢度ge空氣有幾好啦！

行完成個忍野八海，大概用咗兩個鐘。車站旁邊有間蔬果店，我哋將原本預計用嚟寄存行李ge費用攞嚟買咗靜岡產ge士多啤梨！真係超好味！其實富士山橫跨咗山梨同靜岡，既然冇得賣山梨士多啤梨，咁就食超出名ge靜岡產士多啤梨啦！

我哋尋日買咗1210ge高速巴士車飛番新宿，所以搭1136嗰班車番去河口湖，車表寫住1155就會到河口湖。出發前有喺網上見過網友話呢條路線ge巴士會delay少少，但因為日本ge交通工具出名準時，所以不以為意！加上我哋嚟嗰時，仲早咗少少到站添！

點知巴士delay咗成15mins先嚟到，所以真係超驚。於是我一上車就問司機叔叔可唔可以去到河口湖站，因為我哋要搭1210高速巴士。司機叔叔計咗下，一臉為難咁搖搖頭話未必趕到去。我唯有拜託司機叔叔盡量啦，因為我知日本人好遵守交通規則！

上到車我就明點解會delay，因為好多人（包括：日本人）都搞唔清忍野八海嗰幾個站，要到上車先問司機叔叔，有d遊客唔知可以用suica俾錢，落車又唔知要俾幾錢，仲要司機幫手找續等等等等！其實司機叔叔有努力開快dd，啱啱去到富士山站，我親眼目睹高速巴士開走，心裏面不停哀嚎，仲有四分鐘點趕到番河口湖站啊？！而且中途仲有其他站添！去完富士急站，司機叔叔知道再冇人上落車，所以有明顯加速前進，最後竟然喺1210番到河口湖站！

一到站，司機叔叔見到我哋要搭嗰架高速巴士，就即刻叫我哋俾錢同落車先，我叫好友先去車站排隊，因為好驚架車隨時會開走，我俾完錢多謝完司機叔叔，同埋向其他乘客講完唔好意思，就匆匆忙忙拖住2個行李箱跑去高速巴士車站！幸好高速巴士都遲咗，唔係1210開出，等咗3分鐘，司機先俾所有乘客放好行李。1218，我哋順利搭到車番新宿！