富士山＋河口湖站＋河口湖オルゴールの森
11點幾，我哋終於由新宿出發，乘搭中央高速巴士前往河口湖站。其實要由東京市區前往富士山仲可以選擇搭JR East。不過搭JR唔太方便，第一係要喺大月站轉車，第二係全程要成2個幾鐘，第三就係貴過搭高速巴士！所以最後我都係選擇坐高速巴士，單程每人1750yen （JR East富士山2 day pass要5600yen）。
1330我哋有驚無險嚟到河口湖站啦！
Mt.Fuji x Hello Kitty歡迎大家嚟到山梨縣！
真係非常幸運，我哋出發時東京一直落雨，但當我哋去到河口湖站，竟然天朗氣清，仲俾我清楚見到晒成個富士山添！
去親近富士山之前，第一件事就係去搵locker存放行李，因為我哋唔係住係河口湖呢邊ge旅館。車站ge locker全部都full晒，我哋就去咗車站對面ge手信店寄放，每件行李500yen，記得1800前嚟攞番。
如果想方便喺富士山河口湖一帶玩，又唔係自駕遊，最好就買張河口湖＋西湖周遊pass！ 大家可以喺河口湖站內左手邊ge售票處買pass同埋買返新宿ge高速巴士車飛。
河口湖＋西湖 2 day周遊pass每張1200yen，買咗就可以隨意乘搭red line（河口湖線）同green line （西湖線）到唔同ge景點遊覽。
大家可以喺出發前，上去「河口湖＋西湖周遊巴士」website望一望時間，有d概念可以玩幾耐！ http://bus-tw.fujikyu.co.jp/heritage-tour/detail/id/1/
由於時間冇多，我哋即刻出發去車站排隊！1號車站係red line遊覽河口湖ge景點，2號車站係green line遊覽河口湖加西湖ge景點。大家記得留意一下景點位置同巴士時間！
我哋喺1號車站搭河口湖觀光巴士去第一個景點－河口湖オルゴールの森博物館。
我坐嗰班車ge巴士司機係一位好nice、好有活力ge女士。當日車上ge乘客除坐日本人外，仲有台灣人，我哋兩個香港人，同菲律賓人，司機好努力咁展示佢ge語言能力，除咗用日文介紹下個景點同詢問有冇乘客要落車外，仲用菲律賓話又講一次，好鬼流利！當我暗暗驚歎嗰時，佢開時講中文，我先知佢d發音真係準到呢！HAHAHA!
坐咗30mins，我哋嚟到目的地，河口湖オルゴールの森博物館！
行入大門口，經過一個小花園，我哋嚟到售票處買飛。我即場攞咗張優惠券，每人平咗100yen，1400yen一位。
河口湖音樂盒之森同埋箱根Ukai玻璃之森博物館係同一個公司經營，好似我今次我會嚟河口湖又會去箱根，所以揀咗嚟河口湖音樂盒之森。
一入到園區，去過歐洲working holiday 1年ge好友即刻話呢度仲歐洲過歐洲！我都係咁話！
我哋簡單咁行咗一陣，入咗手信店望吓有冇得意ge手信可以買，點知係冇ge！
喺日本每個地方都要整隻吉祥物，之前見過竟然有人想買呢隻咁ge兔仔，特登嚟呢度，因為唔係度度有得賣，好似河口湖得2間鋪有得賣！日本人呢方面真係好醒，每間鋪總有D人冇我有ge嘢！
跟住喺廣場觀賞完音樂噴泉，然後去咗演奏廳觀賞世界最大自動演奏音樂盒ge表演！
喺園區見到富士山，幾有童話feel！
離開オルゴールの森，我行咗去河口湖邊，喺嗰度望富士山會更加近、更加壯觀！所以大家記得預留時間到湖邊行吓！我去嗰時，河口湖ge櫻花仲未開，唔係應該會超靚！
河口湖 オルゴールの森
地址:〒401-0304 山梨県南都留郡富士河口湖町河口3077-20
電話:0555-20-4111
営業時間:AM9:00～PM5:30
留言列表
