澀谷／Shiroichi白一／Luke’s lobster
我哋解決咗燃眉之急ge肚餓問題後，當然要喺澀谷行下街，消化下，先可以繼續食嘢㗎嘛！
我哋食完咗正餐，之後咁梗係到甜品時間啦！於是我哋就向住shiroichi白一所在ge神南區進發！神南係一個我好鍾意ge style ge一個小區，大家可以喺每一條橫街直巷發掘你鍾意ge店鋪。而每一間店鋪都充滿自己ge特色同個性，除咗有國際名牌，有日系潮牌，仲有好多唔同類型ge古著店等等。唔似得香港，shopping mall入面全部係名牌，街上ge商鋪都係名牌！
行下行下，不知不覺我哋嚟到咗呢間被喻為「冰淇淋界的勞斯萊斯」ge shiroichi白一～
聽聞平時係排到出街㗎，好彩我去嗰日冇，雖然見到店內有唔少人排隊，但係我可以接受ge程度！成日都好唔明日本人點解可以咁有耐性排隊，俾我15mins就開始唔耐煩 。原本我哋入到去時係晒人，差d連企都冇位企，點知突然間好多人食完，跟住就有空檯wor～Lucky!!!
白一shiroichi喺海外兩個地方有分店，分別係台灣同韓國，啱啱開嗰時，排隊排到癲！
由於我哋真係仲好飽，所以就叫一個嚟share！好友交俾我呢個麻煩友話事，平時有嚴重選擇困難症ge我，今次冇左揀右揀！因為長期缺乏咖啡因，再加埋飲咖啡可以消滯（我覺得），而且驚個雪糕會太甜，所以即刻就決定到喇！
以為我會叫咖啡牛乳？Nonono!!!其實我超唔鍾意日式炭燒咖啡嗰種酸味，仲要加埋奶？我驚我接受唔到lor （hahaha）！
所以我係叫咗咖啡牛乳下面嗰款570yen 即磨espresso（挽きたてエスプレッソ）＋雪糕 ！ 嗰日有兩款espresso可以選擇，又係即刻就揀到我鍾意ge，有full bodies & persistent ge Ristretto
俾完錢，店員先會開始製作生淇淋。點解叫生淇淋，係因為係用新鮮牛乳製造，唔會隔夜。
從雪糕機擠出生淇淋，然後店員會將生淇淋放入冰庫內10秒鐘，令生淇淋冇咁易融，所以製作時間會耐少少。另外大家可以自己攞水飲，最正係好冰涼ge檸水，飲完將杯放喺水機左手邊就得。
終於我哋ge espresso生淇淋嚟啦！Yeah！我即刻食咗一啖，然後發現唔喺軟雪糕嚟㗎！個質感似食台灣嗰d霜淇淋，有少少似沙冰，應該喺話似食緊牛奶Sorbet，好幼滑嗰種!
跟住我先仔細望下人哋嗰簡介，原來佢哋ge生淇淋係唔加鮮奶油，製作過程中入冰櫃雪10秒，咁會令到生淇淋表面凝結，形成外面清脆，入口即溶，好似初雪一樣ge口感，所以又被稱為「10秒生淇淋」！
生淇淋有種淡淡ge奶香味，質感好輕薄，有種水水ge感覺！唔算好甜，可能加埋我配嗰款espresso，好鍾意呢個味道！就好似飲完affogato，但唔會好heavy，反而覺得好清爽、好light！
食完嘢記得自己收拾好，將垃圾放入水機左下方嗰垃圾桶。
到我們食完又見到好長人龍排隊買「冰淇淋界的勞斯萊斯」ge「10秒生淇淋」
食完甜品，梗係繼續行街啦！ 行咗一陣，就見到「世界で2 番めにおいしい焼きたてメロンパンアイス」世界第二好食ge雪糕蜜瓜包，但係真心飽，同埋見到人哋要企喺街度食（隔離就係馬路），個包見到都感覺到佢ge甜度，仲要排隊，所以放棄冇試到！
喺神南區內行街ge人絕對係我咁多日東京之旅見到衣著打扮最靚最好ge，可能佢哋都喺度買衫啩！仲有，如果大家想搵vintage名牌手袋、飾物，呢一區都有唔少，好有尋寶feel㗎～
我哋繼續好開心咁行行買買，又經過一間好出名ge cafe－Jinnan Cafe (ジンナンカフェ)
Jinnan Cafe出名在好多日劇都喺度拍過，仲要唔喺陳年舊片wor，有小栗旬同石原里美ge 「Rich Man, Poor Woman」；石原里美同松本潤ge「失戀朱古力職人」；澤尻英龍華ge「First Class」，套套都出名㗎!
除此之外，Cafe仲成日有gallery或者同潮牌有crossover合作！我去到就見到Cafe同Marvel crossover，仲要撞正係展覽展出ge首個周末，所以條人龍長到呢！！！起碼排個半鐘以上先應該有檯！平時好難得見到女朋友陪男朋友去一間餐廳等位，竟然第一日去到Tokyo就見到了！
跟住我哋繼續行多咗一陣，有d攰喇，準備番新宿攞行李返酒店休息，就見到好出名、嚟自紐約ge龍蝦三文治專門店 Luke’s lobster出現係我哋面前！
我知好多人都喺表參道嗰邊食。但既然澀谷呢邊有，又唔使排長龍，又冇遊客（除咗我哋兩個），梗要買嚟食啦！而且我個人鍾意澀谷店ge style多d，好有度假中ge感覺，好hea ，可以慢慢食，黑色門入面有幾張檯，唔使好似表參道咁要喺街邊食！
不過我哋冇喺度食，而是買番酒店食。 Cashier上面有塊板，話俾你知食ge龍蝦嚟自邊度。是日龍蝦嚟自美國一個人口唔到1000人ge小鎮Stonington，當地人有船隊專門出海捕魚、抓龍蝦。
等咗2mins就搞掂，lobster roll係熱辣辣㗎！聽聞表參道嗰邊係唔熱ge，我冇食過，所以唔知真唔真喇！可惜我都唔係即刻食，所以我同靚仔店員講，我哋未食住。佢哋即刻幫我用盒裝好，包好俾我帶走。
我哋叫咗regular嗰款 (980yen)，大家亦可以揀 US size (1580yen),個包係一樣size，只係龍蝦分量加倍！唔知我哋嗰個會唔會好似poster一樣咁正呢？
Lobster roll真係好好味，個包放咗兩個鐘都仲脆㗎，外脆內軟，香草蒜蓉好香好惹味，但最勁ge位係完全冇遮蓋龍蝦肉本身ge海水味同鮮甜味。龍蝦肉一絲絲㗎，質感好爽口彈牙，啖啖肉！好友認為今次日本之旅最好味ge就係呢款Lobster roll！我覺得佢個味道真係令人好難忘，想一食再食！我到宜家個腦仲好清楚記到佢個味～必食！
Shiroichi白一
留言列表
